ae mere sanam………
mere humnafazh…………
mere humnawah…
kuch nahi hai tumhein dene ke liye..
is dard-e-dil ke siwai...
apna raha hi kahaan kuch
jo baaki bacha...
na zindagi, na armaan.
na saath nibhaane ka vaada...
na koi aarzoo, na koi ummeed...
kuch bhi toh apna na raha...
bas reh gaya hai
yeh bikhra hua dil..
jismein jal utha hai, tumhaare naam ka diya..
pyaar kar lene do tumhein..
jee bharke ae sanam..
is sailaab ko dariya banke, beh lene do...
meri saanson mein bas gaye ho is kadar..
meri ragon mein sama gaye ho jaise..
is meethi ehsaas ko mujhe
jee lene do sanam..
kuch nahi hai , dene ke liye
is dard-e-dil ke siwai..
tum de sako toh bas itni izaazat de do..
ke jee bhar ke tumhein
pyaar kar lein sanam
ke maut ko jab , gale lagaayein hum..
dil tanha na padh jaaye kaheen..
tumhaare pyaar ke panaah mein hai meri jannat
toh jee bhar ke tumhein
pyaar kar lene do sanam....
No comments:
Post a Comment