koi nayi baat nahi hai yeh……..
sadoyon se toh chala aa raha hai..
silsila dil ka dil se milna…..
par lag jaate hain…..
ashiqui mein deewana hua chahta hai dil
karta hai aasmaanon ka syre….
sharma jaye, parinda bhi iski udaan se …
aise unchi udaan bharta hai yeh……
zameen pe pyr iske tikaye nahi tikte……..
pathjhad mein bhi bahaar ka ehsaas karaye yeh…….
zameen pe jannat ka nazaara dikhaye yeh….
phir khuda na khasta…..mausam badal jaye agar….
judai ke kaale baadal cha jaayen, sar pe…
dil cheeq ut-tha hai…. jigar ke sau tukde hua chahte hain…..
katra katra lahoo ka yun behene lagta hai…..
insaan tootke bikhar jaata hai yun…..
……umr lag jaati hai,koshish mein lekin
jode nahi judta hai dil
agar banayi hai, toh ismein aashiqui ke dhadakhte ehsaas kyon
agar ehsaason mein yun saans phoonk hi diye hain
toh judai ka khaufnaak dard, iske daaman mein kyon
kya yahi hai, mohabat ka sila….
kya yahi hai, mohabbat ka sila……
dil deewaana hua chahta hai zeenat, yeh sochkar..
kya yahi hai, mohabbat ka sila….
No comments:
Post a Comment