03-ibaadat teri hum karthe rahenge

ibaadat teri hum karthe rahenge

tanhai ki andheri galiyon mein
aawaara phir rahe the
tumhaare kadmon ki aahat suni..
toh tumhaare peeche ho liye..

apne aagosh ki narm chaanv mein..
tumne panaah di humein..
dimaag main jwaala-mukhi sa
phat-tha hua is aag par..
baarish ki boondein ban-kar tum gire

tum woh shaak kaise ho sakthe ho..
jismein patthiyaan na hon..
humaara dil gawaah hai
ke tum woh vishaal vriksh ho..
jiske tale humein chaanv naseeb hui ..
ibaadat ke laayak tum kaise nahi ho
tumhari aankhon mein humne,
khuda ki roshni dekhi hai...

khuda bhi maana toh khuda, warna pathar..
tum toh jeetha-jaagtha ehsaas ho...
meri doobthi nayya ka woh maajhi ho..
jiska mere saahil ko intezaar hai.....

pathwaar tumhaare haath mein
de di hai, humne..
phir humein paar laga do..
ya doobne ke liye chod do...

ibaadat tumhari hum karthe rahenge
mitne talak..
phir chaahe mere is diye ko ..
tum hawa do ya bujha do..

mandir mein, masjid mein
sukoon humne talaashi hai..
humaare is soone daaman mein
pyaar na sahi..
apna dard hi daal do.....