47- bahut kuch keh jathi hai zindagi.....

 










zindagi ke bhi kya kehne...
bahut kuch dikha jaathi hai zindagi.......
indradhanush ka nazaara , aasmaanon mein sajaakar
har rang se humein waaquif kara dethi hai, zindagi......
 
subeh ki ujli kiran ki tarah muskaathi ,
tithliyon ke peeche hai humein daudaathi, zindagi.......
kabhi dopeher ke tapthe dhoop mein..
humaare pairon ko hai jala daalthi, zindagi......

shaam ki sheetal hawaayein ,
humaare aanchal ko hai leheraane lagtheen..
kuch pal yun hi madhosh, madh-mast hokar, hum panchiyon sang , hain gun-gunaane lag jaathe ...

phir andheri siya raat ki khaufnaak parchaayi ban kar
jaise apna wajood hum mein khojthi huein
aagosh mein apna ,humein sama kar
dikha jaathi hai, koi naya rang zindagi .......